My Experience with Chapathi!😀

எல்லாம் ஒரு சப்பாத்திக்காக.... Hi Friends, எத்தனை பேருக்கு சப்பாத்தி பிடிக்கும்? 1988-ம் வருஷம்னு ஞாபகம், ரேஷன் கடையில் 25 கிலோ கோதுமை கிடைக்க ஆரம்பிச்சது. அது வரைக்கும் பல மாசங்களுக்கு ஒரு முறை, அதுவும் வீட்டுக்கு விருந்தாளிகள் வந்தா கோதுமை மாவு வாங்கி பூரி செய்வாங்க. மற்றபடி ஹோட்டல் போனா தான் பூரி. ரேஷன் ல கோதுமை ன்னு வாடகை சைக்கிள் எடுத்து வெயில் வீணாகாம லீவிலே சுத்தற உழக்கு சைஸ் உளவுப்படை வீரர்கள் கிட்டே இருந்து தகவல் வரும். அம்மா 5 கிலோ வாங்கிட்டு வருவாங்க. கோதுமை கூட கல், மண், களிமண் உருண்டை, கோது,அரிசி, சர்க்கரை, ரவை மாதிரி பொருள் எல்லாம் இலவசமாக கிடைக்கும். மதிய சாப்பாடு முடிச்சிட்டு மாடிக்கு போய் அம்மா முறத்திலே புடைச்சு போடுவாங்க. களிமண் உருண்டை, கல் எல்லாம் நானும் என் தங்கையும் பிரிச்சு எடுப்போம். இவ்வளவு கல்லும் களிமண்ணும், "தானா சேர்ந்த கூட்டமா"? இல்லை சேர்க்கப்பட்ட கூட்டமான்னு டவுட் வரும். கையும் கண்ணும் கல் பார்க்க, வாய் கோதுமையை அரைக்கும்.😀 முதலிலே இனிப்பா இருக்கும். பிறகு ரப்பர் மாதிரி வரும். எங்களோட அந்த காலத்து பப்பிள்கம் அது தான். அதுக்கு பிறகு கோதுமையை காய வச்சு, குரங்கு கிட்டே இருந்து காப்பாத்த காவல் இருக்கணும். அப்புறம் மாவு மெஷின்லே பவர்கட் இல்லாத நேரமா, ரிப்பேர் இல்லாத நேரமாப் பார்த்து அரைக்கணும். இந்த ஸ்டெப் வரைக்கும் முடிஞ்சால் பெரிய சாதனை.😀. இப்போ life easy. அதுக்கப்புறம் அதை சலிச்சு சப்பாத்தி, பூரின்னு attack 😜தான். அம்மா போடற சப்பாத்தி compass வெச்சு போடற மாதிரி ரவுண்டா இருக்கும். ஒரு உருண்டை மாவை அம்மா கிட்டே இருந்து வாங்கி நான் try செய்வேன். என் தங்கைக்கு அது தான் play dough. எவ்வளவு தேய்ச்சாலும் உலக வரைபடம், amoeba shape மட்டும் தான் வந்தது. நான் சப்பாத்தி போட்டுத் தர்ரேன்னு எல்லாருக்கும் cardboard மாதிரி போட்டுக் குடுத்து பல்வலி, தாடை வலி வர வச்சதிலே நான் கிச்சன் உள்ளே போனாலே கிலி எடுத்து, நீ படிம்மா, strain செய்யாதேன்னு குடும்பமா கூடி முடிவெடுத்தாங்க. சப்பாத்தி போட கத்துக்கணும்னு ஆசை மனசு பூரா இருந்தாலும் உலக நன்மை கருதி தற்காலிகமா என் Chapathi project தள்ளி வைக்கப்பட்டது. தனிக்குடித்தனம் வந்த கையோட ஆசை யாரை விட்டது. Chapathi Project திரும்ப முழு வீச்சில் ஆரம்பிச்சேன். ம்ஹும்... சப்பாத்தி போட மட்டும் வரவே இல்லை. எனக்கு சப்பாத்தியே பிடிக்காதும்மா. சாப்பாடு தான் பிடிக்கும்னு. எதுக்கு அதைப்போட்டு பிசைந்து, தேய்ச்சுன்னு என்னவர் எப்படி தப்பிக்கப் பார்த்தாலும் விடலயே. நமக்காக ஒரு சோதனை எலியை கண்டுபிடிச்சு கட்டி வச்சிருக்காங்க😜 விடலாமா? அடுத்த வருஷம் குட்டி சோதனை எலியும் ரெடி. சப்பாத்தி மட்டும் வரவே இல்லை. மாவைப் போட்டு, தண்ணி ஊத்தி,ஜாஸ்தியாகி, திரும்ப மாவு, திரும்ப தண்ணின்னு, ஊருக்கே மாவு பிசைஞ்சு அட்டூழியம் நடக்கும். கண்ணில படற எல்லா north Indian கிட்டேயும் ஒரே கேள்வி தான். சப்பாத்தி செய்வது எப்படி? கொஞசம் நாளிலே தூரத்திலே நான் தெரிஞ்சாலே தெரிச்சு ஓடற அளவுக்கு ஆச்சு. சப்பாத்தி மட்டும் நஹி ஆத்தி. ஏங்க.. நீங்க north ல எங்கேயாவது வேலை தேடுங்களேன். அங்கே போய் சப்பாத்தி போட கத்துக்கறேன்னு சொன்னப்போ என்னவர் முழிச்ச முழி இன்னும் ஞாபகம் இருக்கு. யாரோ சொன்னாங்க north la தான் நல்ல கோதுமை கிடைக்கும். சப்பாத்தி ஸாப்டா வரும்னு. எப்போ பார்த்தாலும் உங்க company ஏன் Germany, Europe னு அனுப்பறாங்க? இங்கே இருக்கிற டெல்லி, பாம்பேன்னு அனுப்பலாம்லே, கோதுமை வாங்கி ஸாப்டா சப்பாத்தி செய்வேன்லேன்னு கேட்ட என்னை என்னவர் பரிதாபமா பார்த்தார். விதைகள் எதுவும் aeroplane ல not allowed. இல்லேன்னா German கோதுமைல சப்பாத்தி,Europe கோதுமைல பூரின்னு international level ல போட்டிருக்கலாம். Just Miss😜 அப்போ நாங்க டி.நகர்லே இருந்தோம். பக்கத்தில் இருந்த குஜராத்தி ரெஸ்டாரன்ட்க்கு போவோம். சப்பாத்தி, பூரி போல இரண்டே லேயர் தான் இருக்கும். அவ்ளோ சாப்டா இருக்கும். ஏங்க நான் ஒரு மாசம் காலேஜ் லீவிலே இங்கே வேலைக்கு சேர்ந்து சப்பாத்தி போட கத்துக்கவான்னு கேட்ட என்னை டெரர்ரா பார்த்தார் என்னவர். ஆனாலும் என் Chapathi Project நாளொரு experiment பொழுதொரு failure ஆகப் போச்சு.பால், தயிர், எண்ணெய்,நெய், வெந்நீர்,இளநீர், மோர், வாழைப்பழம்ன்னு தனியா நிதி ஒதுக்கி ஆராய்ச்சி நடந்தது. இன்னைக்கு சப்பாத்திங்கர பேரிலே என்ன ஏவுகணை நம்மளை தாக்குமோன்னு ஒரு கிலியோடவே இரண்டு சோதனை எலியும் நாளை ஓட்டினாங்க. ஒரு நாள் அவசரத்திலே cookerla வெது வெதுன்னு இருந்த தண்ணியிலே மாவைக்கொட்டி மூடி வெச்சு மறந்து போய் கண்டு பிடிச்சது தான் நம்ம channel - ல இருக்கிற பூரி போல் சப்பாத்தி. நான் போட்ட சப்பாத்தி புஸ்ஸுன்னு வந்தப்போ ஏதோ பெரிய சாதனை செய்த சந்தோஷம் எனக்கு. அப்பாடா! ன்னு பெருமூச்சு விட்டு வீட்டிலே மக்கள் நிம்மதியா இருக்காங்க.😀‌. அந்த Secret tips என்னன்னு தெரியணுமா? ஒரு பங்கு மாவுக்கு அரை பங்கு தண்ணீர். தண்ணியை குக்கர்லே முத்துப்பதமா உப்பு போட்டு கொதிக்க வச்சு மாவை போட்டு மூடி, காஸ்கட், வெயிட் போட்டு மூடிடுங்க. வெதுவெதுப்பா வந்தவுடனே பிசைந்து சப்பாத்தி திரட்டுங்க. ஓரங்களை நல்லா அழுத்தி ஒரே கனமா சப்பாத்தி போடுங்க. ஒரே thickness இருந்தா சப்பாத்தி சூடாக்கிறப்போ நடுவிலே இருக்கிற காத்து எழும்பி பூரி மாதிரி ஜம்முன்னு உப்பி வரும்.எண்ணெய், வெண்ணெய் எதுவும் இல்லாம சாப்டா சாயங்காலம் வரைக்கும் இருக்கும். உங்க சப்பாத்தி அனுபவம் எப்படி?😀 வீடியோ லிங்க் இதோ: https://youtu.be/LapqtzQEcYk