KANCHI MAHAPERIYAVA THIRUVADIGAL CHARANAM 🙏🌹🙏🌹👆🌹🙏 மஹா பெரியவர் நிகழ்த்திய அற்புதம் அரச மரத்தை அழித்தால் வம்சத்தில் ஆண் வாரிசு இருக்காதா? திரு.க. முருகானந்தம் ஒரு இயந்திரப் பொறியியல் வல்லுநர் . திருச்சி முத்தமிழ் காவலர் திரு.கி ஆ பெ விசுவநாதம் அவர்களது நெருங்கிய உறவினர். திருச்சி பெல் தொழிற்சாலையில் பல ஆண்டுகள் பணிபுரிந்து விட்டு கோவை சென்று சொந்தமாக 1984 ல் தனியாகத்தொழில் துவங்கினார். புதிதாக எதாவது கண்டு பிடிக்க வேண்டும் என்ற தீராத வேட்கை இருந்தது . ஆழ்ந்த இறை நம்பிக்கை உடையவரானதால், கோவில் கோபுரங்களிலும் அதன் பிரகார சுவர்களிலும் வளர்ந்து புல்லுருவியாக அழிக்கும் மரங்களை மீண்டும் வளராமல் தடுக்கும் கெமிக்கலை கண்டு பிடிக்கும் முயற்சியில் இறங்கினார் நீண்ட ஆராய்ச்சிக்குப் பின் வெற்றி கிட்டியது. 1987ல் ட்டுஃபெல்லோ tuffelloo எனும் மருந்தினை உருவாக்கினார். நடைமுறையில் பரீட்சித்த போது… மரங்களை அகற்றி விட்டு அதன் வேர்களில் இம்மருந்து தெளிக்கப்படும் போது மீண்டும் முளைக்காதவாறு பிரச்சினைக்கு முற்றுப்புள்ளி வைக்கிறது என்பது நிருபணம் ஆயிற்று. அப்ரூவல்களுக்காகவும் ஆர்டர்களுக்காகவும் ஆன முயற்சிகளில் இறங்கினார். இந்த காலச்சூழலில் , அவரது சில நண்பர்களும் உறவினர்களும் அவரிடம் … அரச மரத்தை அழித்தால் குடும்ப தொடரில் ஆண் வாரிசு உண்டாவது பாதிக்கும் என்று சொன்னார்கள். இதற்குள் அவருக்கு ஓர் ஆண்மகவு பிறந்திருந்தது… இருந்தாலும் ….இந்த “அரசமர அழிப்பும் ஆண்வாரிசில் அதன் பாதிப்பும் “ என்றவிஷயம் அவர் மனதை குழம்பச் செய்தது… இதைப் பற்றி யாரிடம் கேட்பது…கேட்டாலும் தெளிவாக விடை கிடைக்க வேண்டுமே என்ற சிந்தனையில் அவர்மூழ்கிய போது… காஞ்சிபுரம் சென்று மஹா பெரியவரை தரிசித்து அவரிடம் அறிவுரை கேட்கலாம் என்று அவருக்கு சிலர் ஆலோசனை கூறினார்கள். 1991 ல் காஞ்சிபுரத்துக்கு சென்றார் . அப்போது மஹாபெரியவரின் மகிமை பற்றியெல்லாம் அவருக்குத்தெரியாது.. சங்கர மடத்தை அடைந்து வரிசையில் சென்றார். சட்டையை கழற்றுமாறு சொன்னதால் சட்டையை கழற்றி பான்ட் மேல் சுற்றிக் கொண்டு முன்னேறிச் சென்றார். ஞான சூரியனாக பல்லக்கில் அமர்ந்திருந்த மகானை தரிசித்தார் மடத்து ஊழியர் வாயிலாக இவரது கேள்வி மகானிடம் கேட்கப் பட்டது.. இவரை அருகில் வருமாறு பணித்த போது மெய்மறந்து நடமாடும் தெய்வத்தின் அருகில் சென்றார் தாமரை புஷ்பம் போன்ற மகானின் கை இவரது தலையை ஸ்பரிசித்து ஆசிர்வதித்து இறங்கியது. முருகானந்தம் தன்னை மறந்து பரவசத்தில் நின்றார். “நீ செய்வது மகத்தான உத்தமமான காரியம். காஞ்சி காமாட்சி அம்மன் கோவிலில் இந்த திருப்பணியை செய் “ என்று தெய்வத்தின் குரலில் உத்தரவாயிற்று. சாஸ்திரத்தின்படி நம்மை முட்ட வருவது பசுவானாலும் நம்மைக் காப்பாற்றிக் கொள்ள அதைக் கொல்லலாம் என்றுதான் சொல்லியிருக்கு “ என்று பெரியவரின் அருள் ழொழி கேட்டவுடன் முருகானந்ததின் கேள்விக்கு தெளிவான விடை கிடைத்து விட்டது.. மஹா பெரியவர் ஆசி வழங்கிய நேரம்…. அதன்பின் இப்பணி இறக்கை கட்டிப் பறக்கத் துவங்கிற்று. இந்த தரிசனத்தின் பின் இன்று வரை கடந்த முப்பது வருடங்களாக எத்தனையோ ஆயிரம்கோவில்களில் திருப்பணி செய்யும் ஆர்டர்கள தொடர்ந்து கிடைத்துள்ளது. 1991-92 லிருந்து இந்து அறநிலையத்துறை தொடர்நது சுற்றறிக்கை அனுப்பி இந்த கண்டு பிடிப்பு பயன்படுத்த உத்தரவுகளை பிறப்பித்துள்ளது. தற்போது 22 கோவில்களில் பணிசெய்ய உத்தரவாகியுள்ளது. இப்போது ஶ்ரீரங்கம் கோவிலிலும் நிறைய பிரகாரச்சுவர்களில் வளர்ந்திருக்கும் மரங்களை களைந்தெடுக்கும் பெரும்பணி பூர்ததியாகிக் கொண்டிருக்கிறது. தற்போது ஆறாம் பிரகாரத்தில் வேலை நடந்து கொண்டிருக்கிறது. இந்தியன் தொல்லியத்துறை தொடர்ந்து இந்த Tuffelloo மருந்தை நினைவுச்சின்னங்களை காத்திட பயன்படுத்தி வருகிறது. முத்தாய்ப்பாக முருகானந்தத்தின் மகனுக்கு ஆண் மகவு பிறந்து அடுத்த தலைமுறை ஆண்வாரிசும் உண்டாகிவிட்டது மஹா பெரியவர் என்றும் துணை. JAYA JAYA SHANKARA HARA HARA SHANKARA 🙏🌹🙏🌹🙏🌹🙏